Boraspirelávdegoddi dahje Birasdirektoráhtta lea addán Fylkkamánnái dihto kvohtameari báhčinlobiid bivdin dihte boraspiriid. Dat hálddašuvvojit áigodagas geassemánu 1. beaivvi gitta guovvamánu 15. beaivvi rádjái.
Finnmárkku Fylkkamánni lea rahpan válmmašvuođatelefovnna boraspiriid guoskevaš áššiid váras.
Válmmašvuođatelefuvdna lea rahppon dan dihte vai sáhttet jođánit meannudit báhčinlohpeohcamušaid dalle go boraspiret leat dahkan vahágiid.
Dasa lassin, dárbbu mielde, sáhttá váldit čuojahit Birasdirektoráhta válmmašvuođatelefuvdnii boraspiriid guoskevaš áššiin.
Geatkkit, albasat, guovžžat ja gumppet
Dákkár boraspiret mat dahket vahágiid leat earret eará geatkkit, albasat, guovžžat ja gumppet.
Gonagasgoaskima báhčinlobiid hálddaša Fylkkamánni birra jagi, čállá Unjárgga gielda iežas ruovttusiiddus.
Iežaset bivdojoavkkut
Unjárgga, Porsáŋggu, Mátta-Várjjaga ja Deanu gielddain leat iežaset bivdojoavkkut.
Dát bivdojoavkkut galget ovddemusas geahččalit bivdit vahátdahkki boraspiriid.
Gielddain lea ovddasvástádus hálddašit dáid bivdojoavkkuid ja danin singuin galgá váldit oktavuođa nu árrat go vejolaš jus áigu ohcat bivdolobi vahágiid geažil maid boraspiret leat dahkan.
Válmmašvuođatelefuvdna lea rahppon vástidit boraspiriide guoskevaš áššiid.
