-Almmuhus-
-Almmuhus-
OĐĐASAT Tealtá bulii gutnan – olbmot beasaiga dearvan olggos

Tealtá bulii gutnan – olbmot beasaiga dearvan olggos

-

-

Olbmoguovttos geat leigga idjadeame tealttás, beasaiga dearvan olggos.

Mannan ija dieđihedje Romssa politiijat Twitteris dáhpáhusa birra. Teltá lei ceggejuvvon Abojávregáddái Návuona suohkanis, go buollái ihkku ja bulii gutnan. Olbmot geat leigga telttás, beasaiga olggos buolli telttás. 

– Guokte eará olbmo, geat leigga teltatuvrras seamma báikkis, válddiiga oktavuođa heahtebálvalusaiguin, muitala Romssa politiijaguovllu operašunhoavda, Roy Tore Meyer.

Olbmoguovttos geat leigga telttás, eaba leat ieža roasmmehuvvan, muhto dolvojuvvuiga ambulánssain iskosii.

– Soai leaba dolvojuvvon Buvrovutnii, ja sudnuin manná bures. Muhto leaba dieđusge massán buot diŋggaid buollimis. Eat leat dál vuos dahkan maide, muhto mii boahtit dutkat ášši vuđoleabbo, lohká Meyer Ávvirii.

- Advertisement -
-Almmuhus-