-Almmuhus-
-Almmuhus-
SMÁVVAOĐĐASATSvonni geassáda duohtavuođa­komišuvnnas

Svonni geassáda duohtavuođa­komišuvnnas

-

-

Professor sámegiela, Mikael Svonni, geassáda Ruoŧa duohtavuođa kommišuvnna lahttun.

Geassemánus Ruoŧa ráđđehus dieđihii geat leat nammaduvvon 13 lahtu Ruoŧa duohtavuođakommišuvdnii.

Kommišuvnna fápmudus lea guorahallat stáhta boasttuvuođaid sámi álbmoga ja ovttaskas sámiid vuostá historjjálaš áigodagas dálážii. Kommišuvdna galgá čalmmustahttit ja juohkit dieđuid sámiid vásáhusaid birra. Ulbmil lea ovdanbuktit evttohusaid mot sáhttá soabadit ja nannet sámi servodaga eallinvuoimmlalaččat. 

Loga maid:
Ruoŧŧa ásaha maid sámi duohtavuođa­kommišuvnna 

Sámegiela professor Mikael Svonni lei okta dan 13 lahtus, muhto dál geassáda dál  barggus, čállá son reivves Ruoŧa kulturdepartementti. Su ákkat leat persovnnalaččat. 

Loga maid:
Svonni lea Ruoŧa duohtavuođa­kommišuvnna lahttu

Ruoŧa ráđđehus lea ovttas Sámedikki stivrajoavkkuin nammadan lahtuid geat galget čohkket dieđuid ja vásáhusaid sámi álbmogis. Ovdalaččat lea maiddái dáiddár Britta Marakatt- Labba persovnnalaš ákkaid dihte geassádan kommišuvdnabarggus. 

Ruoŧa duohtavuođakommišuvnna lahtut

 Jođiheaddji lea Kerstin Calissendorff, justisráđđi,

Anna-Lill Drugge, fil.dr.

Gunlög Fur, professor

Marie B Hagsgård, riikkaidgaskasaš áššedovdi

Patrik Lantto, professor

Marianne Liliequist, professor emerita

Bertil Marklund, fil.dr.

Jonas Monié-Nordin, docent

Ulf Mörkenstam, professor

Eivind Torp, docent

Laila Susanne Vars, fil.dr.

Kommišuvnna bargu galgá válmmas leat juovlamánu 1. beaivvi 2025. 

-Almmuhus-