Stivra ja bargit Coop Finnmárku leat stuora morrašis maŋŋá go okta sin mielbargi massii heakkastis lávvordat eahkeda. 18-jahkásaš lei oasseáiggevirggis «Coop Byggmix Vadsø» ja lei barggus guvttiin eará mielbargiin go dáhpáhuvai dat surgatlaš dáhpáhus.
Stivra ja bargit Coop Finnmárku leat stuora morrašis maŋŋá go okta sin mielbargi massii heakkastis lávvordat eahkeda. 18-jahkásaš lei oasseáiggevirggis «Coop Byggmix Vadsø» ja lei barggus guvttiin eará mielbargiin go dáhpáhuvai dat surgatlaš dáhpáhus.
– Lea stuora morrašiin mii leat ožžon dieđu ahte okta min mielbargiin lea jápmán hávvádeami dihte go čukkohalai lávvordaga barggus. Min jurdagat mannet bearrašii, mielbargiide ja sidjiide geat leat báhcán morrašii, dadjá Jan-Ivar Alsén, Coop Finnmárkku hálddahusdirektevra.
Rámbuvra lea gitta dassážii go politiijat gárvejit iežaset dutkama.
Bargit ožžot veahki dearvvasvuođabargiin ja heahteveahki boahttevaš beivviid ja vahkkuid.
– Leat olu vástikeahtes gažaldagat
– Coop Finnmárkku ja suohkana heahtejoavku čuovvula rámbuvrra bargiid. Leat olu vástitkeahtes gažaldagat dáhpáhusa birra ja ášši lea politiija dál dutkame, loahpaha Alsén.
