Iđđesija suovastišgođii muhtun ássanviesus Finnmárkkus.
Fálesnuori ja Hámmárfeastta dollačáskadeaddjit fertejedje vuoddját iđđesija muhtun ássanvissui go ožžo dieđu ahte muhtun viesus lea garrasit suovastišgoahtán.
Ássanviessu lea Veaiggosvuonas Fálesnuori suohkanis.
Ássanviesus ledje guokte ollesolbmo ja okta mánná geaid fertejedje evakueret. Suovvabuokčit fitne viesus bisseheame suova.
– Vejolaš sivva sáhttá leat elektrihkalaš vuogádagas, muhto mii fertet dutkat ášši nu go dábálaččat lávet ovdal go sáhttit dadjat eanet, muitala Finnmárkku politiijaguovllu operašuvdnajođiheaddji Ann-Rigmor Søderholm iFinnmark neahttaaviisii.
