Suoma ráđđehus geahččala vel gávdnat čovdosa sámediggelágas.
Ráđđehusas lea ulbmil geahččalit gávdnat čovdosa sámediggelágas vai dan sáhtášii doalvut riikkabeivviide ovttamielalaččat. Nu dieđiha Yle Sápmi.
Nu mot evttohus lea dál, de ii leat ráđđehus ovttamielalaš.
Suoma sámediggeláhkaevttohus galgá geigejuvvot Suoma riikkabeivviide maŋimustá skábmamánu 17. beaivvi, vai lága gerget ođasmahttit dán ráđđehusbáji áigge.
– Sámediggelága galgá ođasmahttit nu ahte eamiálbmoga vuoigatvuođat gudnejahttojit, oaivvildeaba Kristina Stenman ja Matti Jutila preassadieđáhusas.
– Sámediggeláhka ásaha rámmaid eamiálbmogiid, sámiid, iešmearridanvuoigatvuođa ollašuhttimii Suomas. Dálá lágas leat máŋggat váttisvuođat, nu go ráđđádallangeatnegasvuohta válgalogahallama guoski heiveheamis. Lága galgá beaivádit nu ahte eamiálbmotvuoigatvuođat gudnejahttojit. Nu oaivvildeaba Kristina Stenman ja Matti Jutila preassadieđáhusas.
