-Almmuhus-
-Almmuhus-
-Almmuhus-
SMÁVVAOĐĐASATSuopma cegge áiddi Ruošša ráji ala

Suopma cegge áiddi Ruošša ráji ala

-

-

Suopma lea dál mearridan cegget rádjeáiddi Suoma ja Ruošša riikkarájá ala. 

Suoma stáhtaministtar Sanna Marin oaččui Suoma riikabeaibellodagain ollašuhttinválddi rádjeáiddi hukset. Rádjeáidi huksen álgá nu jođánit go vejolaš. 

Stádaministtar Marin lei bovden Suoma bellodagaid digaštallat áidehuksema.  Ráđđehus háliidii sihkkarastit, ahte Riikabeaivvit dorjot divrras áidehuksema. 

Rádjeáidi vurdojuvvo máksit moaddečuođi miljovnna euro ja bargu bistá golbma-njeallje jagi. Rádjeáiddi huksen álgá nu jođánit go vejolaš čállá Yle Sápmi. 

Áidunbarggu galget álggahit rádjerasttildanstašuvnnaid lahkosis máttanuortaguovllus. Maŋŋel fas davviguovlluin.  Plánejuvvon áidi gokčá dušše váile moaddelot proseantta olles rájás. Ulbmil áiddiin lea ahte galget eastadit lobihis riikarasttildeami, dieđiha Suoma rádjegozihanlágádus. 

-Almmuhus-