Suoma ođđa ráddjehusat bohtet fápmui gaskavahku ođđajagimánu 27. beaivvi ja bistet guovvamánu 25. beaivái.
Suopma háliida eastadit koronanjoammuma riikkas, erenomážit dan ođđa brihttalaš koronadávdda. Suoma dávdadilli spiehkkasa čielgasit eará riikkain, ja lea várra ahte dávda njoammu maid Supmii, nu dieđiha Suoma rádjegozáhuslágádus neahttasiiddus.
Mátkkit Supmii, mat oaivvilduvvojit leat dárbbašmeahttumin, bissehuvvojit. Bargomátkkošteddjiin lea lohpi rasttildit ráji Supmii, muhto sis gáibiduvvo negatiiva koronaboađus. Dušše servodatdeaŧalaš bargiin lea lohpi rasttildit ráji Supmi.
Rádjeguovlluid ássiin Ruoŧas ja Norggas ii leat šat lohpi rasttildit ráji Supmii. Eanet dieđut gávdnojit sámegillii Suoma rádjegozáhuslágádusa neahttasiiddus.
