Suoma eiseválddit várrejit álbmoga koronanjoámmuma lassáneami ektui maŋŋel go njoammumat leat lassánan beliin maŋemus mánu.
Ođđa njoammunlogut duorastaga čájehit ahte Suomas leat maŋemus jándora leamaš 91 ođđa njoammuma, dieđiha Suoma álbmotdearvvasvuođainstituhtta THL.
Suomas lea koronanjoammun vuollelis go eanas eará riikkain Eurohpás, ja eai leat go 15,5 njoammuma juohke 100 000 ássi nammii. Muhto dál várre Suoma dearvvasvuođadepartemeanta álbmoga ja dieđihit ahte njoammun lassána fas jođánit, dieđiha Reuters.
Guovtti maŋemus vahkkus lea virus gávdnon 910 ođđa olbmos, dan seammás ii lean dan ovddit guovtti vahkku áigodagas lohkku eambbo go 450.
Suomas lea dál duođaštuvvon korona oktiibuot 9.79 olbmos, ja 343 olbmo leat jápmán.
(©NTB)
