-Almmuhus-
-Almmuhus-
-Almmuhus-
OĐĐASATSuomas lea buoremus ássat

Suomas lea buoremus ássat

-

-

 Social Progress Imperative lea almmuhan listtu makkár riikkain máilmmis lea buoremus ássat.

Ođđaseamos guorahallan, man lea Social Progress Imperative čađahan, čájeha ahte Norga ii leat šat riika máilmmis gos lea buoremus ássat, čállá NRK Sápmi.

Norga, mii lei njunnošis dán listtus diibmá, gahčai guorahallama mielde dán jagi čihččet sadjái. Suopma lea biddjon vuosttaš sadjái.

Ollu buoiddes olbmot, alla iešsoardinlohku ja alla viessohattit daddjojit leat sivvan go Norga gahččá vuosttas sajis, čállá NRK Sápmi.

 

Social Progress Imperative lea Amerihkás 2012:s vuođđuduvvon fitnodat mii lea dan rájes almmuhan sullasaš listtuid. Fitnodat lea maiddái ožžon cuiggodemiid earet eará go lea buohtastahttán stuorát riikkaid unna riikkaid ektui, go lea buohtastahttán riikkaid homogena ja heterogena populašuvnna ja maiddái go ii deattut BNP ovdalaš jagiid guorahallamiin.

 

Buoremusaid searvvis leat:

1. Suopma

2. Kanada

3. Danmárku

4. Australia

5. Sveitsa

6. Ruoŧŧa

7. Norga

8. Vuolleriika

9. Stuorrabrittánia

10. Islánda

 

Oktiibuot Social Progress Imperative guorahalai dan háve 160 riikka. Guorahallamis ledje birrasii  50 eavttu.  Eanet guorahallama bohtosiid birra loga dás.

-Almmuhus-