Suomas leat gávnnahan maŋemuš guovtti vahkkus eanet njoammumiid go goassege ovdal pandemiija áiggis.
Suoma dearvvašvuođainstituhtta THL ávžžuha dál olbmuid čuovvut rávvagiid eastadan dihte njoammumiid.
Suomas leat dál dieđihuvvon 60 200 njoammuma ja lea lassáneapmi 758 olbmuin.
1213 olbmos lea maid gávnnahuvvon muhttašuvvan brihttalaš dávda. Suomas lea maid duođaštuvvon 70 olbmos máttaafrihkálaš koronavariánta ja ovttas fas Brasilia koronavariánta. Nu dieđiha Suoma dearvvašvuođainstituhtta THL iežaset neahttasiiddus.
Lappi buohccidikšunbires leat gávnnahan oktiibuot 12 ođđa koronavirusnjoammuma maŋemus beivviid. Gávcci olbmos lei korona Gihttelis, ja Roavvenjárggas lea gávdnon korona golbmasis.
Lappi guovllus leat dal maŋemus guovtti vahkus gávnnahan 65 njoammuma, ja Länsi-Pohja guovllus Durdnosis 14.
