-Almmuhus-
-Almmuhus-
OĐĐASAT Lappis Suomas gávdnan logi ođđa njoammuma

Lappis Suomas gávdnan logi ođđa njoammuma

-

-

Eanemus njoammumat leat gávdnon Oarje-Lappi guovllus.

Doppe leat guhtta ođđa njoammuma dieđihuvvon. Sii navdet ahte njoammunbálggis vuolgá Ruoŧa bealde, čálla Yle Sápmi.

Kolaris leat fas golbma ođđa njoammuma mat gullet seamma njoammunbálgái. Maiddái Gihttelis lea gávnnahuvvon korona ovtta olbmos. Son lea mátkkošteaddji guovllus.

Olles Lappi guovllus leat dál 22 njoammuma dieđihuvvon maŋemus guovtti vahkus, dieđiha Suoma dearvvašvuođainstituhtta THL iežaset neahttasiiddus. 

Länsi-Pohja nammasaš guovllus, gosa gullá Duortnus, leat fas 34 njoammuma dieđihuvvon maŋemus guovtti vahkus. 

Ávžžuhusat

Suoma dearvvašvuođainstituhtta THL attii gaskavahku ođđa dorvogaskaávžžuhusa. Dál olbmuid ávžžuhit doallat badjel guovtti mehtera dorvogaskka earáide. THL ávžžuha maid unnidit lagasoktavuođaid.

Ámadadjosuoji galgá maid geavahit siste vaikko sáhttá doallat guokte mehtera gaskka.

THL muittuha maiddái, ahte lea dehálaš bassat gieđaid ja maiddái váldit iskosa jus leat dávdamearkkat. 

-Almmuhus-