Ruoŧa ja Norgga rádjesuohkaniid ássit eai dárbbaš čájehit koronapássa go rasttildat ráji riikii.
Čakčamánu vuosttas beaivvi rájes Suopma ii gáibit šat koronaduođaštusaid go rastilda ráji riikii, dieđiha Suoma stáhtaráđđi. Ássit eaige dárbbaš váldit koronaiskosa.
Dat guoská ássiide geat orrot Norgga rádjesuohkaniin, nu go Omasvuona, Gáivuona, Ráissa, Guovdageainnu, Kárasjoga, Deanu Unjárgga ja Mátta-Várjjaga ássit.
Ruoŧas dat guoská fas rádjesuohkaniidda Bájil, Haparanda, Giron ja Badje-Durdnos.
Dat njuolggadus bistá golggotmánu 15. beaivái.
Suopma iská njoammundilálašvuođa gránnjáriikkain guktii mánus go mearrida koronaduođaštusaid ektui.
