Suoma sávdnunárbevierru lea dál biddjojuvvon UNESCO olmmošsoga eahpeávnnaslaš kulturárbbi ovddasteaddji listui.
Beassat UNESCO olmmošsoga eahpeávnnaslaš kulturárbbi ovddasteaddji listui, mearkkaša ahte Suoma sávdnunárbevierru galgá gáhttejuvvot ja seailluhuvvot boahtteáigái, čállá svt.se/sápmi.
Suomas leat birrasii 3.2 miljovnna sávnni ja birrasii 90 proseantta Suoma beale olbmuin sávdnot juohke vahkku. Don doloža rájes leamaš Suoma beale olbmuin vierru iežaset buhtistit lievllain sávnnis.
Suoma sávdnunsearvi dieđiha ahte sávdni lea bassi báiki sidjiide. Sii dadjet maid ahte lea vuosttaš Suoma kulturárbi mii beassá UNESCO listui.
