Sámedikki ságadoalli, Tuomas Aslak Juuso, illuda fas čoahkkanit ja ávvudit.
Suoma Sámediggi lea almmuhan ahte 2022-2023 válgabaji ávvudeapmi lágiduvvo geassemánu 17. beaivvi, Sámekulturguovddáš Sajosis, Anáris.
Máŋga čeahpes sámedáiddárat bohtet ovdanbuktit iežaset dáidduid. Doppe leat sihke lávlun-, dánsun- ja diktačájálmasat. Bottuin ságastallet ovddeš ja dálá ságadoallit mat leat buoremusat báhcán muitui iežaset baji áigge. Prográmma loahpas lea vel Tundra Electro čuojaheamen ávvudankonseartta.
– Vuorddán iluin, ahte beassat viimmat čoahkkanit oktii ja ávvudit dálá válgabaji. Dál mii leat válgabaji beallemuttus ja lea buorre áigi bisánit ávvudeami mearkkain, dadjá Suoma Sámedikki ságadoalli, Tuomas Aslak Juuso, preassadieđáhusas.
Ávvudeapmi álgá diibmu 11 ja buohkat leat bovdejuvvon čuovvut ávvudeami njuolgasáddaga bokte čujuhusas www.sajos.fi/live.
