Sihke Norga ja Ruoŧa rádjerasttildeaddjit fertejit dál váldit koronaiskosa Suoma rájis.
Nu lea Lappi guovlohálddahusdoaimmahat mearridan bearjadaga. Spiehkastatnjuolggadus gávdno ja guoská gálvojohtimii ja gádjunvehkii.
– Gielddat leat geatnegahtton ordnet dearvvašvuođaiskkadeami ráji rasttildeddjiide. Mearrádus lea fámus njukčamánu lohppii. Sávvamis olusat váldet iskosa iešdáhtolaččat, dadjá Sari Kemppainen, gii lea Lappi regiovnna hoavda, Yleii.
Muhto jus biehttala váldimis koronaiskosa, de sáhttá rihkkut lága ja sáhkkohallat dehe gártat giddagassii golmma mánnui. Jus biehttala váldimis koronaiskosa, de sáhttá biddjot maid erremii jus su navdojuvvo koronabuohccin, dieđiha Yle.
Suoma rádjerasttildanbáikkit Norgga rájis leat rahpasat gaskal diibmu 9-21. Ruoŧa -Suoma rájis fas 7-21 Suoma áiggi dieđiha Suoma rádjedoaimmahat.
