Vuosttaš geardde besset olbmot dál ohcat dieđuid máttuid ja sogaid birra neahtas go MyHeritage almmuha neahttasohkagirjji mas leat dieđut badjel 33 milliuvnna olbmo birra geat leat gullevaččat suoma sogaide.
Vuosttaš geardde besset olbmot dál ohcat dieđuid máttuid ja sogaid birra neahtas go MyHeritage almmuha neahttasohkagirjji mas leat dieđut badjel 33 milliuvnna olbmo birra geat leat gullevaččat suoma sogaide.
Dokumeanttain leat girkogirjjit (rippikirjat) ja ovda-konfirmašungirjjit (lastenkirjat) jagis 1657 ja 300 jagi maŋos áiggis. MyHeritage leat vuosttažin geat leat čohkken dáid gálduid, ja dieđut gávdnojit dušše MyHeritage neahttasiiddus.
Suoma sogalaččat
Hui ollu norgalaččat, erenoamážiid Finnmárkkus ja Hedemárkkus, leat suoma sogalaččat. Dán rádjái lea váttis leamašan dutkat suoma sogaid, go dokumeantat eai lean indekserejuvvon. Dál go buot gáldut leat neahtas, de šaddá álkit norgalaččaide geat leat suoma sogalaččat gávdnat dieđuid iežaset fulkkiid ja sogaid birra.
Olbmuid beaggin namuhuvvo
Datačoakkáldagas lea buorre kvalitehta ja doppe gávdnojit ollu erenoamáš dieđut Suoma historjjá birra. Nu go Norgga girkogirjjit, de leat girkogirjjiin namat buohkain geat ledje seamma dálus, ja bearrašat čielgasit merkejuvvon. Ođđaseamos girkogirjjiin čužžot maid riegádandáhtonat ja riegádanbáiki, goas lea náitalan, jápmán ja eará jus lea fárren gosage. Girjjiin leat maid čállosat olbmuid birra – makkár beaggin olbmos lei, dearvvašvuohta ja rumašlaš vigit.
– Dá lea dat deháleamos čoakkáldat Suoma historjjálaš dokumeanttain mat goassege leat almmuhuvvon nehttii, muitala MyHeritage sisdoallohoavda Russ Wilding.
Sáhttet miellagiddevaš dieđut
– Dieđut leat indekserejuvvon ollislaččat, ja mii leat rápmásat go earáide miehtá máilmmi sáhttit fállat geahččat dáid girkogirjjiid neahtas. Buohkain geain leat Suomas sogat ja máttut gávdnet dál daid gálduid ja besset iežaset sohkaduogáža viidábut iskat. Doppe sáhttá gávdnát miellagiddevaš dieđuid iežas soga birra, muitala Wilding.
MyHeritage lea Davviriikkain njunnošis sohkadutkamis neahtas. Neahttasiiddus leat máŋga milliuvnna geavaheaddji, ja máŋga čuođi milliuvnna dokumeantat vurkejuvvon Norggas, Ruoŧas, Danmárkkus ja Suomas. MyHeritage digitalisere historjjálaš dokumeanttaid, nu ahte earát sáhttet gávdnát dieđuid iežasiid máttuid ja sogaid birra. Dat leat nuvttá geahčadit girkogirjjiid ja ovda-konfirmašungirjjiid, muhto ferte diŋgot geavaheaddjinama vai beassá geahčadit dokumeanttaid.
