-Almmuhus-
-Almmuhus-
-Almmuhus-
OĐĐASATSuoláduvvon biila oidnon Álttás

Suoláduvvon biila oidnon Álttás

-

-

Politiijat dieđihit ahte NRK Sámi suoláduvvon biila lea oidnon Álttás.

NRK Sámi, váldodoaimmahusas Kárášjogas, leamaš sisagaikun mannan ija.

­ – Vilges VW Caddy lea suoláduvvon, das lea NRK dovddamearka. Politiijat sihtet olbmuid váldit oktavuođa jus oidnet biilla, dieđihit Nuorta-Finnmárkku politiijat Twitteris. Biilla šiltanummir lea ZT 49789, biillas leat ruoná šilttat.

Bargit fuomášedje

Politiijat ožžo dieđu sisagaikuma birra lávvardaga iđida váile diibmu 08:00.

 – Sisagaikuma fuomášedje bargit go bohte bargui, visttis leat cuvken lásiid ja uvssaid, dadjá Nuorta-Finnmárkku politiijaguovllu operašuvdnajođiheaddji Sølve Johansen Nordlys aviisii.

Politiijat dutket ášši.

-Almmuhus-