Politiijat Norrbottenis dieđihit ahte viđa dálus Girona guovddážis leat muhtun suollagat leamaš dán vahkkoloahpa, ja gollit ja ruđat leat suoláduvvon.
Sotnabeaivve iđidis váiddii vuosttaš viessoeaiggát ášši politiijaide. Beaivvi mielde dieđihuvvojedje vel njeallje suolaášši Gironis.
Norrbottena politiijat navdet ahte leat seamma suollagat geat leat suoládan dán viđa dálus. Politiijat leat iskame viesuid ja čađaheame teknihkalaš guorahallamiid.
– Suollagat leat dahkan seammaládje buot viđa dálus, cuvken altánauvssa dálu maŋábealde. Sii leat suoládan golliid, ruđaid ja eará árvodiŋggaid čilge politiijagulahalli Simon Wormö SVT Nyheterii.
Eará báikkiin E45 luottas leat maid dieđihuvvon suoládeamit earret eará Árvvesjávrris ja Doroteas čilge politiija. Sii navdet ahte sáhttet eanet váidagat boahtit maŋŋel vássán vahkkoloahpa.
