Suollagat viežžame biilaosiid, ja rigearáris dievdu dearvvašvuođaguovddážis. Dá leat dán ija dáhpáhusat Finnmárkku politiijaguovllus.
Politiijat válde Čáhcesullos gitta guokte ruošša dievddu, geat leigga mannán sisa ovtta “biilaopphuggeriai” viežžat biilaosiid. Politiijat rahpe ášši, ja luite fas dievdduguoktá.
Dan dieđiha Nuorta-Finnmárkku politiijaguovlu twitteris.
Rigearra
Álttá dearvvašvuođaguovddážis lei okta 20-ahkásaš dievdu álgán rigeret. Son čolgadii ovtta buohccidivššára njeaiga, ja nihtii buohccidivššára ja politiijaid. Dievdu biddjui arestii dassážii čielgá. Politiijat áigot váidit ášši.
Muđui šadde politiijat loahpahit guokte feasta Álttás, rieja dihte. Gakoris ja Tollevikas. Dan dieđiha Oarje-Finnmárkku politiijaguovlu twitteris.
Hammerfeastas
Politiijat šadde gieldit ovtta 50-ahkásaš dievddu boahtimis Hammerfeasta guovddážii, go láhttii fasttit olbmuiguin ja politiijaiguin. Politiijat váide maid ovtta dievddu gii goččai guovdu gávpotguovddáža.
