-Almmuhus-
OĐĐASATSuoládan ja biddjon olggos riikkas

Suoládan ja biddjon olggos riikkas

-

-

Finnmárkku politiijaguovllus dieđihit Twitteris ievttá dáhpáhusaid birra. 

Hámmárfeasttas váidaledje politiijai olbmot maŋŋit eahkedis go guovtti biillas leat čuojahan musihka menddo jitnosit. Politiija lea gohččon biilavuddjiid geahpedit musihkkajiena.

Álttás finai politiija Johkanjálmmi skuvllas sihkkelbeaivvi ja dárkkistii ohppiid sihkkeliid. Politiija lei hirbmat duđavaš diliin.

Kirkonjárggas gávnnahalai ikte, maŋŋebárgga, muhtin olgoriikkalaš go lei suoládeamen gálvvu muhtin buvddas. Almmái lea badjelaš 30-jahkásaš. Suola sáhkkohalai ja biddjui olggos riikkas. 

Fálesnuoris dárkkistii politiija promilla 97 biillavuoddjis  ja buohkat ledje čilgosat. 

Reaššvuonas lea muhtin vuodján badjel geainnu mannan lávvardaga. Politiija lea ožžon olu dieđuid dan birra ja dovdet ášši.

Báhcavuonas lea muhtin badjelaš 40-jahkásaš almmái váldon gitta ja áššáiduhtton suoládan mohtorsihkkela ja vuodján juhkanvuođas. 

Hámmárfeasttas dárkkistii politiija 38 vuojána johtolaga Leirvikhøgda báikkis.

Davvesiiddas dárkkistii politiija promilla 16 biillavuoddjis. Buohkat ledje čilgosat.

-Almmuhus-