-Almmuhus-
-Almmuhus-
-Almmuhus-
SMÁVVAOĐĐASATSuoidnemánus dušše 10 olbmo johtolaga

Suoidnemánus dušše 10 olbmo johtolaga

-

-

Guovtti mánus leat 27 olbmo duššan johtolagas Norggas. Dássážii dán jagi leat 72 olbmo duššan johtolagas. Dat lohku lea measta beali eambbo go olles diimmá jagis.

– Dađi bahábut mis leat leamaš ollu lihkuhisvuođat dán geasi. Suoidnemánus leat 10 dievdoolbmo duššan johtolatlihkuhisvuođain ja mii fertet duođalaččat bargagoahtit dainna movt eastadit dákkár lihkuhisvuođaid. Diibmá dušše oktiibuot 80 olbmo johtolagas, olles jagis, ja lea balddihahtti go dán jagi suoidnemánu rádjai leat measta liikká máŋggas duššan johtolagas go diibmá olles jagis, dadjá Trygg Trafikk gulahallanráđđeaddi Christoffer Solstad Steen.

Steen ii loga diehtit siva lihkuhisvuođaide, muhto lohká ovdalaččas diehtit ahte aktonaslihkuhisvuođaid oktavuođas lea vuddjiin dávjá alla leahttu leamaš. Eará sivva lea váilevaš geavaheapmi sihkarvuođarusttegiin.

– Mii fertet geardduhit man dehálaš lea geavahit boahkána ja oaivesuoji. Lea heaggaváralaš jus daid ii geavat dahje ii geavat daid rievttes ládje. Lea dehálaš leahkit aicil johtolagas, iige diktit mátketelefovnnaid dahje eará diŋggáid muosehuhttit iežas vuojidettiin. Mii ávžžuhit ahte bijat mátketelefovnna biilamodusii ovdal vuoddjat, dadjá Steen preassadieđáhusas.

Dán jagi leat 17 mohtorsihkkelvuoddji duššan johtolagas. 2009 rájes eai leat ná máŋggas duššan mohtorsihkkellihkuhisvuođain Norggas.

-Almmuhus-