-Almmuhus-
-Almmuhus-
OĐĐASATSuohkanstivra sihtá stáhtahálddašeaddji iežaset dutkat

Suohkanstivra sihtá stáhtahálddašeaddji iežaset dutkat

-

-

Guovdageainnu suohkanstivra dohkkehii ovttajienalaččat jahkeraportta mas suohkandirektevra almmuha dieđihanášši man lea sádden Gieldadepartementii.

Ovttajienalaččat dohkkehii suohkanstivra unnitlogu árvalusa bivdit stáhtahálddašeaddji guorahallat dieđihanášši ja suohkana politihkkáriid.

Loga maid:
Gáibida guora­hallama ja ehtalaš njuolgga­dusaid: – Poli­tihkkárat eai galgga geavahit fámu alcces ja lagas­olbmuide buorrin

Ii ovddiduvvon eahpeluohttámuš

Suohkanstivra geavahii buori áiggi digaštallat suohkandirektevrra dieđihanášši, maŋŋel go suohkandirektevra lei jahkeraportta ovdanbuktán.

Áirasat, erenoamážit unnitlogus, sihte čilgehusa. Feaskáriin ságastalle ja digaštalle cealká go dál oktage eahpeluohttámuša suohkandirektevrii.

Eahpeluohttámuš ii ovddiduvvon ja jahkeraporta dohkkehuvvui. Eanetlohku dáhtui dohkkehit jahkeraportta mearkkašumiin.

– Mii leat joavkočoahkkimis moaitán go jahkedieđáhussii leat čállon áššit maid ii sáhte dokumenteret, ovdamearkka dihte dan oasi gos suohkanstivra ii dovdda ahte leat geigejuvvon čálalaš evttohusat ehtalaš njuolggadusaide. Muđuid mii dohkkehat jahkeraportta, celkkii eanetlogu, Dáloniid Listtu, Isak Mathis O. Hætta.

Loga maid:
Rávve sátne­jođiheaddji almmolaš­vuhtii čilget duođalaš ášši: – ii sáhte jávo­haga leat šat

DUOĐALAŠ DILLI: Vaikko sátnejođiheaddji Hans Isak Olsen (gasku) mielas lei ártet go galget iežaset sihtat guorahallat, de jienastii suohkanstivra dan ovttajienalaččat. Suohkanadirektevra Kent Valio (gurut bealde) muitalii sárdnestuolus movt hálddahus vásiha muhtin politihkkáriid bággestallat bargiid. GOVVEN: Anne Berit Anti
DUOĐALAŠ DILLI: Vaikko sátnejođiheaddji Hans Isak Olsen (gasku) mielas lei ártet go galget iežaset sihtat guorahallat, de jienastii suohkanstivra dan ovttajienalaččat. Suohkanadirektevra Kent Valio (gurut bealde) muitalii sárdnestuolus movt hálddahus vásiha muhtin politihkkáriid bággestallat bargiid. GOVVEN: Anne Berit Anti
Loga maid:
Su bellodat­ustit lea lobi haga vurkkodan bráhkaid márkanis: – Mus lea liikká ollislaš luohttá­muš sutnje

Dáhttot diehtit mii geavai

Unnitlohku ii dáhtton dán doarjut.

– Unnitlohku lea digaštallan eanetlogu árvalusa dohkkehit jahkeraportta mearkkašumiin. Mii han oaidnit jahkedieđáhusas ahte lea dahkkon. Mii jáhkkit suohkandirektevrii. Ávžžuhan baicce doarjut min, unnitlogu, árvalusa, celkkii Guovddášbellodaga Hans Ole Eira.

Maŋŋel digaštallama ja guovtti joavkočoahkkima de suohkanstivra ovttajienalaččat dohkkehii unnitlogu árvalusa bivdit stáhtahálddašeaddji guorahallat dieđihanášši ja suohkana politihkkáriid.

– Mii leat joavkočoahkkimis digaštallan ahte doarjut unnitlogu árvalusa. Mii diehtit ahte departemeanta ja stahtahálddašeaddjit gulahallet ja luohttit ahte ášši gieđahallojuvvo buriid gieđaid siste, celkkii Sámeálbmotbellodaga listtu Klemet Erland Hætta gii čohkká eanetlogus.

Loga maid:
GLR redaktevra lohká ehtalaš njuolggadusaide leat dárbbu: – Muittán bures go bellodatustibat rievdadedje fitnodateaiggáda loana doarjjan

Ovdalaš mearrádusa celkkii sátnejođiheaddji Hans Isak Olsen ahte su mielas lea imaš go iežaset galget sihtat dutkat.

– Orru gal hui imaš ahte suohkanstivra. suohkana alimus orgána, mearrida gii min galgá dutkat, muhto orros dal nu, logai son.

Eanetlohku dáhtui vel suohkandirektevrra etihkalaš njuolggadusaid sáddet rievttes kanálaid bokte.

-Almmuhus-