Oahpahusdirektoráhtta lea sádden dieđu suohkaniidda, skuvllaide, mánáidgárddiide ja fylkkasuohkaniidda dan birra ahte leat suohkanat mat giddejit skuvllaid ja mánáidgárddiid eastadan dihte koronanjoammuma.
Oahpahusdirektoráhtta lea sádden dieđu suohkaniidda mas leat obbalaš njuolggadusat mánáidgárddiid ja skuvllaid giddema ektui.
Sii dieđihit ahte lea suohkaniid duohken galget go mánáidgárddit ja skuvllat giddejuvvot jus koronadávda njoammugoahtá. Muhto dattege berreše garvit giddema obbalaš njoammuneastadandoaibmabidjun.
Oahpahusdirektoráhtta čállá ahte jus mánát, oahppit dahje bargit buohcagohtet koronadávddain, de galget sii geat leat leamaš lagašoktavuođas buhcciin erremii ja ahte lea suohkandearvvašvuođabálvalus mii mearrida gii galgá erremii, muhto lea skuvllaid ja mánáidgárddiid ovddasvástádus veahkehit lagasoktavuođaid gávdnat.
