-Almmuhus-
OĐĐASATSuohkanat jotket bidjat máttaolbmuid erremii

Suohkanat jotket bidjat máttaolbmuid erremii

-

-

Justiisaministtar Monica Mæland (O) bivdá davvi-Norgga suohkaniid heaitit giddemis suohkanrájiid ja bidjat máttaolbmuid erremii. Suohkanat eai guldal ja jotket doaimmain.

Máŋga suohkana fáktejit suohkanrájiid ja leat ásahan automáhtalaš errenáiggi olbmuide geat mátkkoštit máttabeal Dovres davás.

Stáhtaráđđi lea máŋgii dáhtton ahte suohkanat eai ábut ásahit iežaset ráddjema mátkkošteamis lassin dasa maid nationála válddahusat mearridit.

Romsa ja Áltá

Romssa suohkan lei okta dain vuosttáš suohkaniin mat bidje johtui iežaset errenáiggenjuolggadusaid, dušše olbmot mat leat kritihkalaš servodatdoaimmas eai dárbbat erremii. Romsa ii áiggo dahkat nu movt Mæland dáhttu, dieđiha NRK.

– Suohkan ii boađe čuovvulit justiisaministara ávžžuheami ahte mii fertet čuovvut nationála válddahusaid, dadjá sátnejođiheaddji Gunnar Wilhelmsen.

Son ii čuovvul ávžžuheami dan sivas go koronavirus lea leavvan unnit davvin. Son lohká ahte sii fertejit suodjalit Davvi-Norgga universitehtabuohcciviesu.

Álttás eai ge rievdat errenáigginjuolggadusaid. Váldosuohkandoavttir Frode Øvrejord lohká sii jotket mearrádusain nu guhka go ráđđehus ii siđa heaittihit njuolggadusa.

(©NTB)

-Almmuhus-