Øksnes suohkana ráđđeolmmái háliida jearrat suohkana ássiin galgá go suohkan guoddit sámi nama.
Øksnes suohkana ráđđeolmmái háliida jearrat suohkana ássiin galgá go suohkan guoddit sámi nama.
Ovdagotti áššebáhpiriin boahtá evttohus ovdán. Politihkkarat leat ovdal ságastallan dán ášši ovdagottis. Borgemánus sihte ráđđeolbmá meannudit ášši, ja dál lea ráđđeolmmái evttohan ášši sáddet gulaskuddamii.
Ášši duogáš lea go Sámi Guovddáš lea ávžžuhan Øksnes suohkana bidjat suohkana sámi nama buohtalaga dárogiel namain, čállá VOL neahttaaviisa.
Gulaskuddan
Evttohuvvon sámegiel namma suohkanii lea Iksnášši suohkan, muhto dat sáhttá maid rievdat proseassas. Go ášši lea leamašan gulaskuddamis guhtta vahkku, de sáhttá ášši meannuduvvot politihkalaččat.
– Suohkan háliida áššálaš oainnuid gullat manne Øksnes suohkanis galgá leat sámegiel namma, dahje manne suohkanis ii galgga leat sámegiel namma, čuožžu dokumeanttain maid VOL namuha.
