Guovdageainnu suohkan lea bargame addit geaidnočujuhusaid buot viesuide suohkanis maidda galgá biddjot čujuhus.
Suohkana neahttasiiddus čállet ahte dárbbašit nammaevttohusaid suohkana ássiin geainnuide, ovdal go sáhttet sáddet ášši gulaskuddamii. Buohkat sáhttet buktit evttohusaid, muhto dáhttot vel ahte evttohus lea vuođuštuvvon.
Fylkkageainnuin ja E45:s leat juo namat, vaikko dán rádjái eai leat adnon čujuhusat namain ja nummariin.
Suohkanis leat maid čuovvovaš eavttut mat gusket čujuhusnamaide, daid sáhttá oaidnit suohkana neahttasiiddus, doppe lea maid oppagovva mii čájeha makkár geaidnoparaseallat dárbbašit namaid.
