Bargu givssideami ja trakasserema vuosta šaddá stuorit oassi Suodjalusa rekruhttaskuvllaid oahpahusas. Dat lea okta doaibmabidju maŋŋel olu dieđihanáššiid.
– Lea doppe gos sis geain lea bálvalusgeatnegasvuohta deaivvadit Suodjalusain vuosttaš geardde. Galgat muddet prográmma nu ahte stuorát oasi guoská bargui mo bargat givssideami ja seksuála trakasserema vuostá, ja galgat hárjehallat árvvuid, kultuvrraid ja etihka birra eambbo go ovdal, dadjá suodjalushoavda Eirik Kristoffersen.
Suodjalus galgá ovdanbuktit plána givssideami ja trakasserema vuostá. Dat ii leat vuos gearggus, muhto suodjalushoavda Eirik Kristoffersen muitalii vuossárgga muhtun čuoggáid plánas.
– Buohkat galget áddet lágaid ja njuolggadusaid giellageavaheami, givssideami ja trakasserema birra, dadjá son.
(©NTB)
