Suodjalus lea šiehttan Nokas sihkkarvuođafitnodagain, ođasmahttit ja bidjat ođđa vákšunkameraid ruoššarádjái.
Guovvamánus galgá Nokas bidjat 28 ođđa nu gohčoduvvon termiska kameraid, dakkár kamerat mat oidnet lieggasa, ruoššarádjái, dieđiha sihkkarvuođafitnodat.
Erenoamáš kamerat
– Ođđa kamerat leat automatiserejuvvon ja dahket máŋggadáfot analysaalgoritmaid. Dat mearkkaša ahte kamerat leat dakkárat mat analyserejit govaid ja dieđihit doaimmaheaddjit jus ovdamearkka dihte fuomáša lobihis rájárasttildeami, lohká Nokasa gulahallanhoavda Ådne Mauritzen NTB:ii.
Forsvarsmateriell (FMA) vuolláičálii šiehtadusa Nokasiin golggotmánus.
Šiehtadus máksá badjel 3 milljovnna ruvnnu ja dasa gullá maid dálá rusttegiid áimmahuššan, ja boares kameraid molsun.
(©NTB)
