Suodjalus bidjá miljárddaid nannet sin doaimma Finnmárkku rádjaguovlluin.
Máŋga miljárdda investerejuvvojit dál visttiide, elektronihkkii, vearjjuide ja mašiinnaide, čállá Klassekampen.
Sihke Porsáŋgguguolbanis ja Mátta-Várjjagis lasihit resurssaid rádjavávttaide ja Jegerkompaniija mat lea erenomážit hárjehallan invašuvdnasuodjalussii.
Dasa lassin lea Finnmárkku Ruovttosuodjalus nannejuvvomin. Mihttu lea ahte leat badjelaš 2000 soalddáha geat leat bures hárjehallan ja ahte leat buorit vearjjut.
– Mii leat bures jođus plánejuvvon nannemiin. Mu váldosátni lea ahte dál mii sáhttit suodjalit Finnmárkku, dadjá obersta ja Finnmárkku Eanasuodjalusa hoavda Tomas Beck.
