Suodjalus galgá investeret gávcci miljárdda ruvnno gávcci ođđa rádárrusttegii mat galget šaddat Nato čalmmit davvin, Forsvarsmateriell dieđuid mielde.
– Stuora oassi dálá rádáriin álget dál boarásnuvvat ja fertejit ođasmahttojuvvot boahtteáiggi hástalusaide, dajai 2019 suodjalusministtar Frank Bakke-Jensen (O). Suodjalusa forum čálii maid dalle ahte ođđa rádárat galget boahtit daid boarráseamos áibmogozihanrádáriid sadjái Norggas. Rádárat galget leat sajis ovdal 2030.
Vihtta rádárrusttega galget ođđa báikkiide, ja golbma galget joatkašuvvat. Suodjalus galgá sihkkarastit opmodaga Várggahis Finnmárkkus, Vestvågøyas Nordlánddas, Orklánddas ja Namsosas Trøndelágas, Vågsøyas Sogn ja Fjordanes, Ringerikes, Osas ja Tolgas Hedmárkkus, ja Bjerkreimas ja Eigersundas Rogalánddas.
(©NTB)
