-Almmuhus-
OĐĐASATStuorra sohkabealaterohus alitoahpus

Stuorra sohkabealaterohus alitoahpus

-

-

Lohku geat váldet alitoahpu lassána. Nissonat  leat eanetlogus, ja erenomážit nuoraid gaskka leat erohusat stuorrát, dieđiha Statistihkalaš guovddášdoaimmahat.

2019:s ledje 39 proseantta nissonat ja 30 proseantta almmáiolbmot geat válde oahpu allaskuvlla dahje universitehta dásis, čájehit Statistihkalaš guovddášdoaimmahaga logut.

Go buohtastahttá loguin logi jagi dassái, de lea lassáneapmi 9 proseanttain nissoniin ja 5 proseantta almmáiolbmuin geat váldet alitdási oahpu.

Stuorámus erohus sohkabeliid gaskka lea sii geat leat gaskal 25 ja 29 jagi boarrásat, gos 59 proseantta nissoniin lei alitoahpu ja almmáiolbmuin ges 30 proseantta 2019:s. Dat lea 21 proseantta erohus.

-Almmuhus-