Guoddalanášši albmáid vuostá geat leat áššálaččat go leat sisafievrridan oktiibuot 87 kilo amfetamiinna, lea maŋiduvvon borgemánnui.
Ášši botkejuvvui njukčamánus garra koronagáržžidemiid dihtii. Okta áššálaččain, 48-jahkásaš ovddeš advokáhta Romssas, lei riskkajoavkkus oažžut koronavirusa, čállá Nordlys.
Ođđa dáhton guoddalanáššái Hålogalándda lágamánnerievttis lea borgemánu 10. beaivvi, ja leat biddjon vihtta vahkku áššái.
Oktiibuot ledje vihtta albmá áššálaččat go sisafievrridedje 87 kilo amfetamiinna Romsii jagiin 2016 ja 2017.
(©NTB)
