NVE muohtauđasdieđáhus ávžžuha garvit buot báikkiid gos lea uđasvárra, sihke gokko sáhttá uđas luovvanit ja maid vuolábealde dakkár báikkiid.
Olu vahca ja garra biegga lea vuordimis sihke duorastaga ja bearjadaga Davvi-Romssas, Ivgus ja Oarje-Finnmárkkus. Dat gahččá muohttaga ala mii ovdalaččas lea heittot.
– Muohtauđasvárra lea stuoris Romssas boahttevaš beivviid, čujuha váktajođiheaddji Solveig Ø. Kosberg ja addá čuovvovaš rávvagiid: doalat guhkes gaskka ceakkos vilttiide. Mii vuordit ahte ollu muohtauđđasat iešalddis luovvanit čuovvovaš beivviid. Doppe gos boahtá eanemus muohta, doppe sáhttet maid šaddat hirbmat stuorrát ja dat sáhttet ollit guhkás eanet go duolba guovlluin, dadjá Kosberg.
