-Almmuhus-
-Almmuhus-
OĐĐASATStuorra guolástan­fatnasat lassánan

Stuorra guolástan­fatnasat lassánan

Journalista

-

-

Guolástanfatnasat, mat leat badjel 28 mehtera, leat lassánan. Seammás leat guolástanfatnasat vuollel 11 mehtera vátnon.

Guolástanfatnasat badjel 28 mehtera leat diibmá lassánan guđan proseanttain. Diibmá ledje oktiibuot 256 fatnasa dien sturrodagas registrerejuvvon. Maiddai fatnasat gaskal 11 -15 mehter ja 21- 28 mehter leat lassánan guovtti maŋimuš jagis. Guolástanfatnasat vuollel 11 mehtera ja 15-21 mehtera leat fas njiedjan čájehit logut maid Guolástusdirektoráhtta buktá ovdan. 

Obbalaččat njiedjan

Obbalaččat  ledje diimmá jagi unnit guolásteaddjit ja guollefatnasat registrerejuvvon ovddit jagi ektui. Loahpas 2019:s ledje 5978 guollefatnasa registrerejuvvon ja 11 054 guolásteaddji Norggas. Jagi ovdal ledje 6018 guollefatnasa. Guolástanfatnasat leat njiedjan čiežain proseanttain, ja guolásteddjiid lohku ges lea njiedjan 1,5 proseanttain go buohtastahttá jagi 2018 loguiguin. 

Bargosajit jávket

Ovddit jagiid lea guolásteddjiid lohku geain lea guolásteapmi váldobargun, lassánan. Dál lea lohku jorggihan. Guokte maŋimuš jagi lea dát maid njiedjan. Diimmá jagi loahpas lei 9444 guollebivdis guolásteapmi váldobargon. Dát lea njiedjan 0,7 proseanttain. Jagi 2018:s lei lohkku 9514 guollebivdit. Dáin geain lea guolásteapmi liigefidnun lea lohku njiedjan 5,6 proseanttain, 1705 logus 1620 lohkui guokte maŋimuš jagis. 

Nissonat bivdin lassánit

Diibmá ledje registrerejuvvon 329 nissona bivdin. Dát lohkku lea lassánan njeljiin nissoniin jagi 2018 rájes. 

Logut maid čájehit ahte 20,6 proseanta buot bivdiin leat vuollel 30 jagi, ja 20,7 proseanta ges leat 60 jagi dahje boarráset. 

-Almmuhus-