-Almmuhus-
-Almmuhus-
OĐĐASATStuorimus prográmmain ávvudit 50 jagi doaibmama

Stuorimus prográmmain ávvudit 50 jagi doaibmama

Journalista

-

-

Dán jagi lea 50 jagi áigi go vuohččan ávvudedje Pride doaluid Oslos, ja de ávvudit prográmmain mii lea stuorit go ovdal. 

50 jagi dássái ledje 250 duostilis olbmo geat čuččodedje Universitehta olggobealde Oslos ja čurvo: «Lea ge nu go leat – ráhkis gean háliidat». Seamma diehtu lea dál, 50 jagi maŋŋel.

Leat 280 prográmmaoasi miehtá oaivegávpoga dan logi beaivvi go Pride lágiduvvo, geassemánu 19. beaivvis 29. beaivái.

– Mii leat ovttas ja čájehit makkár servvodaga mii háliidit. Dán jagi lea prográmma viidát go goassege ovdal. Logi erenoamáš beaivvi bokte čájehit ahte Norggas lea servvodat gos buohkat besset leat nu go leat ja ráhkistit dan gean sii háliidit. Levge ja vuolgge mielde stuorimus ávvudeapmái, ávžžuha Oslo Pride jođiheaddji Dan Bjørke.

«Makkár jietna!» konsearta

Gaskavahkku, geassemánu 19.beaivvi, leat rahpandoalut Oslo Operadálus gos beasat gullat sámi artistta Adrian Angelico go juoigá ja lávlu, ovttas eará dovddus artisttaiguin, nu go Ane Brun, Samuel Mariño, Mahsa Vahdat ovttas Jarle Bernhoftain,  ja máŋga eará. Konseartta beasat maid oaidnit NRK1:s geassemánu 29. beaivvi.

Sáhttá namuhit lassin buot doaluide ahte sáhtát maid searvat kveanaid ja lulli-sámiid duodjebargobajiide mat lágiduvvojit Pride Houses, mii lea Legenes Hus visttis. Seamma visttis leat oktiibuot 80 prográmmaoasi Pride-vahkku.

-Almmuhus-