-Almmuhus-
KULTUVRA– Stuorámus gudni galgá Mihkkal-ednui!

– Stuorámus gudni galgá Mihkkal-ednui!

-

-

– Stuorámus gudni galgá Mihkkal-ednui gii lea bidjan ná vuovdnas ja fiinna luođi bárdnásis ja mu vibeallái, Mikkel Andreasii, lohká lihkolaš vuoiti Johan Ivvár Gaup. GEAHČA VIDEO:

Go metomehterjienat (olbmot sálas besse jienastit) ledje lohkkon, de lei čielggas ahte Fire-Máhte Niillasa Johan Ivvár, Johan Ivvár Gaup lea dán jagaš Sámi Grand Prix juoiganoasi vuoitit. Johan Ivvár lei ovdal go metomehterjienat lohkkojuvvo juo buoremusaid searvvis.

Johan Ivvár juoiggai vilbealis, Hánske-Niillasa Mihkkala Mikkel Andreasa, Mikkel Andreas M. Eira. Leage ge Mikkel Andreasa áhčči gii lea bidjan luođi, ja vuoiti oaivvilda stuorámus gutni gullat sutnje:

– Buot gudni gullá Mihkkal-ednui, gii lea bidjan ná vuovdnás ja fiinna luođi Mikkel Andreasii! Ferten su giitit go dál lean vuoitán. Son leage juste dál ealu vuodjimin ja čálistin dieđu sutnje ovttatmanos go ledjen vuoitán ahte dá rápmi sutnje!

Eanu čuojahii mu luođi ja lei nu fiinna ja vuovdnas luohti ja de jurdilin – de, dien luođi mun sádden Sámi Grand Prixii. Dál lean ilus go dan dahken, moddjá Johan Ivvár maŋŋel go lei vuoitán.

2. sadjái bođii Marit Inga Sara Pettersen, bártnis Kim Rune luđiin.

3. sadjái bođii Nils Mikkelsen Sara, son juoiggai eamidis Oddbjørg Hætta Sara.

Loga eambbo Sámi Grand Prix Ávvira báberaviissas maŋŋel beassážiid.

-Almmuhus-