Stuoradiggi lea juolludan 100 miljovnna ruvnno Riddobearráigehččui go galget divvut ja čorget eaiggátkeahtes bohkkáguiski (blåskjell) skálžorusttegiid .
Romsa ja Finnmárku oažžu 23 100 000 ruvnno divodanbargui ja 2,5 miljovnna vel divvut Mearrajohtolatguovddáža Čáhcesullos.
Erenoamáš ruhtadoarjja galgá geavahuvvot ná:
87,5 miljovnna galgá mánnát divvunprošeavttaide.
10 miljovnna galgá mannát čorget eaiggátkeahtes bohkkáguiski skálžorusttegiid, mat leat várálaččat mearrajohtolahkii.
2,5 miljovnna galgá mannát divvut Mearrajohtolatguovddáža Čáhcesullos.
Prošeavttat mat ožžot doarjaga leat prošeavttat maiguin sahttet jođánit álgit bargat ja galgá leat buorrin unna ja veaháš stuorebuš fitnodagaide.
— Mii bidjat bargguid johtui nu jođánit go vejolaš nu ahte sávvámis báikkálaš fitnodagat ráhkkanit gilvalit daid bargguid alde, dadjá Einar Vik Arset preassadieđáhusas.
