Skohtera alde, mas hakso duoddara vuopmi, duolmmasta Kevin Boine juolggi vulos iežas ođđa lávlagiin «Drikkestopp», nie čállá Universal su birra, go dál lávke ođđa márkaniidda iežas musihkain.
Skohtera alde, mas hakso duoddara vuopmi, duolmmasta Kevin Boine juolggi vulos iežas ođđa lávlagiin «Drikkestopp», nie čállá Universal su birra, go dál lávke ođđa márkaniidda iežas musihkain.
Sus leat 30 miljovnna «streams», fánssat geat leat tatoveren Kevin Boine nama, ja son lea bovdejuvvon stuorámus lávddiide čuojahit olmmošálbmogiid miehtá Skandinávia.
Universal lea dál fuomášan 25 jahkásaš Kárášjohkalačča gii lea čihkosis šaddan okta Norgga stuorámus dárogielat artisttain.
Heaitit juhkamis
Nuppi juovlabeaivvi almmuhuvvui sus lávlla «Drikkestopp», mii lea dan birra ahte heaitit juhkamis.
– Okta olmmái lei luoikkahan kano-fatnasa ránnjás, mainna áiggui suhkat luoddaráigge ruoktot feasttas. Easkka nuppi beaivvi de reagerejin dasa. Dalle dihten ahte ferte váldit juhkanbottu, čilge Boine Universal preassadieđáhusas.
Alla mihttuid olahit
Kevin Boine plánat 2019:s lea ráhkadit guba dievva lávlagiid, čuojahit dievva konsearttaid ja geahpput moadde gilo. Guokte dáin áššiin goit áigu olahit.
Son gohčoduvvo Finnmárkku feastagonagassan – ja dál lea dát gonagas gearggus vuoitit feasttaid olles Skandinávias.
Ja de vel viidáset olles máilmmis, čállá Universal.
