Romssa politiijat muitalit ahte leat duoguštan 66 kilo amfetamiinna Romssas mannan čavčča, golggotmánu.
Romssa politiijat muitalit ahte leat duoguštan 66 kilo amfetamiinna Romssas mannan čavčča, golggotmánu.
Lea Serbia dievdu gii lea áššáiduhtton áššis maŋŋel go politiijat duoguštedje dan maid gohčodit Davvi-Norgga stuorámus duogušteapmin.
Lei 66 kilo amfetamiidna maid politiijat duoguštedje diibmá čakčat Romssa gávpotbáikkis.
– Duogušteapmi dahkkui seammás go ledje dutkame ovtta eará ášši, man leat ain dutkame, muitaleaba áššáskuhttinjođiheaddji Einar Sparboe Lysnes ja Vákšuma, eastadeami ja dutkama jođiheaddji Yngve Myrvoll.
Roavva narkotihkkarihkus
– Serbia dievdu, gii lea viđatlotjahkásaš, lea áššáiduhtton dán áššis. Son lea háldogiddagasas leamaš duogušteami rájes, muitaleaba Sparboe Lysnes ja Myrvoll.
Serbia dievdu lea áššáiduhtton roavva narkotihkkarihkkosa ovddas, go lei nu ollu narkotihkas sáhka.
