Dál lea stuora muohtarihtovárra Davvi-Norggas.
Sihke Helgelánddas, Ofuohtas, Sálttus ja Svartisenis lea dieđihuvvon stuora muohtarihtovárra duorastaga, ja maiddái Romssas ja muhtin guovlluin Finnmárkkus.
Eará báikkin lea dieđihuvvon mearkkašahtti muohtarihtovárra. Muohtarihtu sáhttá vuolgit dálkki geažil dehe go olbmot lihkadit guovllus.
Olbmot geat vánddardit váris ávžžuhuvvojit garvit guovlluid gos lea ceggoset go 30 gráda.
Olu muohta ja olu njuoska muohta ja bivvalat leat dagahan ahte várra lea dál njelježis, mii lea ruoksat, ja muhtin sajiin golmmeš, mii lea runta NVE várradieđáhusas.
Dasa lassin lea Meteorologalaš instituhtta dieđihan fiskes várradieđáhusa garra biekkaid dihte Nordlánddas, Møre ja Romsdalas, Agderis ja duottarguovlluin Lulli-Norggas. (@NTB)
