Internašunála Sámi Filbma Instituhtta lea ovttas Nunavut Film Development Corporation álggahan oktasaš prošeavtta man namma lea Arctic Film Circle. Mihttu lea oččodit iežaset filmmaid čájehuvvot olgoriikkas.
Internašunála Sámi Filbma Instituhtta lea ovttas Nunavut Film Development Corporation álggahan oktasaš prošeavtta man namma lea Arctic Film Circle. Mihttu lea oččodit iežaset filmmaid čájehuvvot olgoriikkas.
Arctic Film Circle lea kreatiivválaš geahččalanprošeakta man mihttun lea dahkat oktasaš filbmamuitalusa vuođđuduvvon álgoálbmogiid oktasaš vásáhusain.
Arctic Film Circle loahpalaš mihttu lea ásahit davviguovlluid álgoálbmot filbmadahkkiid fierpmádaga, mii boahtteáiggis galgá ohcalit rájáidrasttildeaddji ovttasbargguid.
Čohkket filbmadahkkiid
Jurdda lea čohkket davviguovlluid álgoálbmot filbmadahkkiid ja sin hástalit čállit oktasaš oanehisfilbma máidnasa.
Dát seamma čálus šaddá de viđa ođđa oanehisfilmma vuođđun, mat de filbmejuvvojit válljejuvvon filbmadahkkiid ruovttubáikkiin Sámis, Nunavutas, Ruonáeatnamis, Northwest territories Canadas ja Alaska.
Filbmafestivála boahtte vahkku
Filbmabádji mii álggaha dán prošeavtta lágiduvvo ImagineNative filbmafestiválas Torontos, Canadas golggotmánu 12-14 beivviid.
– Váldomihttu lea sáddet filmmaid Berlinale filbmafestiválii 2017 árvvoštallamii, mas dán jagi deattuhit davviguovlluid álgoálbmot filmmaid, dieđiha Internašunála Sámi Filbmainstituhtta preassadieđáhusas.
Arctic Film Circle ovddasteaddjit:
Smávut Ingir Bål – Sápmi
Marja Bål Nango – Sápmi (govas)
Ánne-Mággá Wigelius – Sápmi
Pipaluk K. Jørgensen – Ruonáeanan (govas)
Mikisoq H. Lynge – Ruonáeanan
Alethea Arnaquq–Baril – Nunavut
Shawn Innuksuk – Nunavut
Anna Hoover – Alaska
Jerri Thrasher – Northwest territories, Canada