-Almmuhus-
-Almmuhus-
SMÁVVAOĐĐASATStuora eami­álbmot luossa­deaivvadeapmi čakčat

Stuora eami­álbmot luossa­deaivvadeapmi čakčat

Journalista

-

-

Davveguovlluid luossaálbmogat dat čoahkkanit juogadan dihte máhtu ja vásáhusaid.

Norggas beale Sámediggi ja Sámiráđđi lágidit 2nd International Gathering of Indigenous Salmon Peoples čakčat Kárášjogas. Dohko bohtet davveguovlluid luossaálbmogat juohkin dihte máhtu, vásáhusaid ja digaštallat eamiálbmot hálddašeami. Dan muitala Sámediggi preassadieđáhusas. 

– Luossabivdu lea giddejuvvon Deanučázádagas jo njealját geasi. Luossanálli lea garra deattu vuolde miehtá davviguovlluid. Mis lea dárbu dakkár deaivvadeapmái gos beassat juohkit dieđuid ja vásáhusaid eará eamiálbmogiiguin, dadjá sámediggepresideanta Silje Karine Muotka preassadieđáhusas. 

 – MII DÁRBBAŠIT DÁKKÁR DEAIVVADEAMI: Sámediggepresideanta Silje Karine Muotka. Preassagovva: Ørjan Marakatt Bertelsen. 
 – MII DÁRBBAŠIT DÁKKÁR DEAIVVADEAMI: Sámediggepresideanta Silje Karine Muotka. Preassagovva: Ørjan Marakatt Bertelsen. 

Ruoššaluossahástalusat guovddážis

Sámiráđi ságadoalli Áslat Holmberg lohká álbmogiid dárbbašit juogadit vásáhusaid ja oahpu. 

– Ođđa guollešládja, ruoššaluossa, uhkida luossajogaid Sámis, ja jogaid ekovuogádagat orru rievdame ii ge dan oro sáhttime bissehit. Dát deaivvadeapmi lea buorre liiban oahppat eamiálbmotluossahálddašeami ja -máhtu birra nubbi nuppis, ja maiddái mo mii buoremusat sáhttit ávkkástallat dáinna ođđa guollešlájain, dadjá Áslat Holmberg.

DIGAŠTALLAT OKTASAŠ HÁSTALUSAID: Sámiráđi ságadoalli Áslat Holmberg. Govva: Sámiráđđi. 
DIGAŠTALLAT OKTASAŠ HÁSTALUSAID: Sámiráđi ságadoalli Áslat Holmberg. Govva: Sámiráđđi. 

2nd International Gathering of Indigenous Salmon Peoples lágiduvvo čakčamánu 30. beaivvi rájes golggotmánu 2. beaivvi rádjái Sámedikkis, Kárášjogas.

Deaivvadeapmái bohtet 80 oasseváldi Sámis, Kanadas, USA:s ja Ruonáeatnamis. Dat deaivvadeapmi lea čuovvuleapmin vuosttaš International Gathering of Indigenous Salmon Peoples, mii lágiduvvui Musqueam-álbmoga eatnamiin, Vancouveris Kanadas 2022:s.

-Almmuhus-