Badjelaš 200 ohcamuša leat boahtán kulturmuitofondii dán jagi guovtti vuosttaš mánu.
Ohcamušaid leat eaiggádat sádden go háliidit divodit kulturmuittuid. Badjelaš 25 miljovnna kulturmuitoruđat leat juolluduvvon dál, mii boahtá ávkin báikkálaš servviide.
– Kulturmuittuid divodeapmi lokte árvvu ja lokte ealáhusa báikkálaččat. Dat addá doaimmaid giehtaduojáriidda geain lea máhttu váldit vára kulturmuittuin, huksengálvvuid buvttadeddjiide ja earáide nugo rehketdolliide ja gávppiide, lohká Kulturmuitofoandda direktevra Simen Bjørgen.
Oktiibuot leat 141 prošeavtta dohkkehuvvon ja ožžot oktiibuot 25,6 miljovnna ruvnno.
– Oktiibuot lea Kulturmuitofoanddas rámma mii lea 108,5 miljovnna ruvnno dán jagi. Dalle lea vel báhcán 82,9 miljovnna ruvnno mii juhkko njukčamánus juovlamánnui dán jagi, lohká Bjørgen. Son muittuha ahte sii gieđahallet ohcamušaid dađistaga go bohtet sidjiide.
Dás oainnát doarjjajuolludeami fylkkaid mielde:
Fylka Juolluduvvon supmi
Agder………..1 944 000 ruvnno
Innlandet………..3 792 000 ruvnno
Møre ja Romsdal………..1 021 000 ruvnno
Nordlánda………..857 000 ruvnno
Oslo………..2 305 000 ruvnno
Rogalánda………..3 500 000 ruvnno
Romsa ja Finnmárku………..68 000 ruvnno
Trøndelága………..1 378 000 ruvnno
Vestfold ja Telemárku………..1 070 000 ruvnno
Vestlánda………..3 720 000 ruvnno
Viken………..6 217 000 ruvnno