Politiijat Finnmárkkus dieđihit Twitteris dušše moadde dáhpáhusa birra mannan ija.
Álttás gevrejedje politiijat muhtin albmá 50 jagiin eret gávpotguovddážis, dan sivas go almmái lei stuibmideamen ja muosehuhtii earáid.
Politiijat maid dolvo muhtin eará albmá Álttás ruoktot, almmái lei gávpotguovddážis váccašeamen ja lei badjelmeare juhkan.
Olgobáikkiid dárkkistan
Hámmárfeasta politiijat fas fidne dárkkisteamen olgobáikkiid Hámmárfeasttas mannan ija. Buot olgobáikkiin lei jaskat ja dasa ledje politiijat duhtavačča.
