-Almmuhus-
-Almmuhus-
MAGASIIDNA – Studeanttat sáhttet seastit olu

– Studeanttat sáhttet seastit olu

-

-

Dáhkádusfitnodat buktá dás seastinrávvaga studeanttaide.

Nuorra studeanttat sáhttet seastit olu jus geavahit váhnemiid viessogálvodáhkádusa.

– Go studeanttat rievdadit álbmotregisttar čujuhusa, de easka fertejit ieža ordnet alcceseaset viessogálvodáhkádusa, lohká Tryg forsikring preassaoktavuohta Arvid Steen preassadieđáhusa bokte.

 

Fárrejit eret ruovttuin

Oallugat fárrejit dáid beivviid eret ruovttuin láigolanjaide dahje viesuide. De lea olu man birra ferte álgit jurddašallat.

Muhto eanas áiggi eai dárbbat studeanttat veallat ijaid ja jurddašit viessogálvodáhkádusa birra.

– Mii oažžut olu gažaldagaid studeanttain geat leat eahpesihkkarat iežaset viessogálvodáhkádusa dárbbu birra čavčča rájes, lohká Steen.

– Go studeanttat rievdadit álbmotregisttar čujuhusa, de easka dárbbašit iežaset viessogálvodáhkádusa. Studeanttakollektiivvas sáhttet leat sierra njuolggadusat dása.

 

Oastán lanjadaga

Vaikko oasttát iežat lanjadaga, de gokčá aŋkke váhnemiid viessogálvodáhkádus du diŋggaid maid, jus it rievdat álbmotregisttar čujuhusa.

– Sierra viessogálvodáhkádusa it dárbbat eará jus oasttát ođđa diŋggaid lanjadahkii, jus rievdadat álbmotregisttar čujuhusa, dahje jus fárret olggobeallai Davviriikkaid studeret, čilge Steen.

 

Ale fal vajálduhte daid eará dáhkádusaid

Go lea sáhka eará dáhkádusaid birra, de dat eai gokčo šat go ruovttus fárret eret, vaikko lea dušše gaskaboddosaš orrunbáiki.

– Ávžžuhit ahte buot studeanttain lea mátkedáhkádus ja lihkohisvuođadáhkádus, dasa lassin go viessogálvodáhkádus. Eanaš dáhkádusservviin leat sierra dáhkádusat nuoraide. Daid ávžžuhan iskkat, lohká Steen.

 

Váivves máksimuš

Go studeanta lea, de ii dáidde ruhtadilli nu buorre, ja Steen ipmirda ahte nuorat eai soaitte vuoruhit dan.

– Dáhkádus sáhttá ipmirduvvot hui láittasin máksit, ja dárbbašmeahttumin. Muhto go bárti joksá, de gal ipmirdit man dehálaš dat lea. Danne ávžžuha Tryg nuoraid dáhkidit. Mii soaitit veahá vuorjat dáinna, muhto mii leat vásihan nu olu nuoraid mat leat geavvan stuora bárttiid sisa go sis eai leat rievttes dáhkádusat, loahpaha Tryg Forsikring, Arvid Steen.

- Advertisement -
-Almmuhus-