Studeanttat sámi oahppoguovddáža Anáris almmuhedje iežaset loahpabarggu. Dat lea musihkkavideo mas lea sihke leudd ja lávlla nuortalašgillii.
Studeanttat sámi oahppoguovddáža Anáris almmuhedje iežaset loahpabarggu. Dat lea musihkkavideo mas lea sihke leudd ja lávlla nuortalašgillii.
Mannan cuoŋománu Mátta-Várjjagiin barge iežaset eksámenbargguin, musihkkavideoin studeanttat Sámi oahppoguovddáža Anáris, dan čállá Sør-Varanger áviisa.
Videodilálašvuođat ledje filbmejuvvon earret eará Juovis (Prestøya) ja Kirkunjárggas.
– Video filbmejuvvui dain báikkiin go nuortalaš sámiin lea gullevašvuohta dáidda báikkiide, čállá Sør-Varanger áviisa.
Musihkkavideo ges lea boađus ovttasbarggus media- ja musihkkasurggiid studeanttaid. Lávlla lea árbevirolaš nuortasámiid juoigus man gohččodit leudd.
– Leudd manná ođđaáigásaš musihkkahápmái mas nuortasámi teaksta, muitala musihkkastudeanta Hanna Kiprianoff.