Mannan vahkku ožžo vuosttaš studeanttat vejolašvuođa ohcat liigestipeandda ja -loana.
Lea sáhka 26 000 ruvnnu liigeloanas. 10 400 ruvnnu loanas sáhttá dahkkot stipeandan.
– Beivviid maŋŋel go Stuoradiggi mearridii ođđa ekonomalaš doaibmabijuid, de sáddejuvvojit vuosttaš fálaldagat studeanttaide, ja sii geat ohcet, ožžot jođánit ruđaid kontui. Mearkkaša olu studeanttaide geat leat massán sisaboađu, dadjá dutkan- ja alit oahppoministtar Henrik Asheim (O).
Lea dehálaš sihkkarastit ahte dus leat riekti liigelotnii ovdal go ozat. Studeanttat fertejit duođaštit bargodietnasa njiedjama vai lea riekti lotnii, čuožžu preassadieđáhusas man ráđđehus lea sádden.
