Juohke goalmmát studeanttas leat oađđenváttisvuođat, oađđindutki oaivvilda ahte sis lea boasttu jándorritma.
31 proseantta studeanttain vásihit oađđenváttuid, čájeha studeanttaid 2018 dearvvašvuođa- ja loaktiniskkadeapmi.
Dávjá čuožžilit oađđenváttisvuođat boasttu jándorritmma geažil, oaivvilda oađđendutki Bjørn Bjorvatn.
Go olbmos leat váttisvuođat jándorritmmain, de ealáska eahkedis ii ge oaččo šat nahkáriid ovdal go ihkku.
– Go de vuos ribahit nohkkat, de ođđet hirbmat njálgát ja lossadit. Jus ii okta ge bovtte sin, de sáhttet oađđit gitta beaivái. Dan gohčodit maŋŋonan oađđenmuddogillámuššan. Váttisvuohta čuožžila go olmmoš gártá lihkkat árrat, dalle oainnat ii leat vel vuoŋis. Dat dagaha maid ahte lea váibbas beaivet, dadjá Bjorvatn Aftenpostenii.
Insomni
Studeanttaid nubbi váttisvuohta sáhttá insomni oađđenváddu.
Dat mielddisbuktá ahte olmmoš oađđá hejot ihkku, vaikke nahkárat gal rohttejit rievttes áigái.
– Goappašat váttut leat vearrámusat eksámenáigodagaid. Eksámenat álget oainnat iđđes árrat ja studeanttat soitet balus ovdal loahppageahččalemiid. Lea dábálaš ahte olmmoš oađđá hejot jus juoga dehálaš dáhpáhuvvá maŋit beaivvi, dadjá Bjorvatn.
(©NTB)
