-Almmuhus-
SMÁVVAOĐĐASATStøre ođđa mearrabiegga­párkka rahpama birra: – Odne mii čállit historjjá

Støre ođđa mearrabiegga­párkka rahpama birra: – Odne mii čállit historjjá

-

-

Norga čállá gaskavahkku historjjá ođđa mearrabieggapárkka rahpamiin, dadjá stáhtaministtar.

– Odne mii čállit historjjá, dajai Jonas Gahr Støre go rabai máilmmi stuorámus mearrabieggapárkka, Hywind Tampen, Davvimearas.

Ruvdnaprinsa Haakon lei maid mielde rahpamis.

– Go mii čatnat daid johtasiid oktii dáppe, de mii čatnat min oktii boahtteáigái, dajai Ruvdnaprinsa ovdal go almmolaččat rabai rusttega.

Oktanuppelohkái bieggaturbiinna, mat dahket Hywind Tampen 140 kilomehtera olggobealde Vestlándda mearragátti, galget fuolahit Gullfaks-fealtta ja Snorre-fealtta plattforpmaid buhtes fámuin.

Hywind Tampen lea Norgga vuosttaš mearrabieggapárka ja stuorámus máilmmis.

Plánejuvvon 88 megawatt buvttadeapmi galgá gokčat 35 proseantta oljo- ja gássaásahusaid rávdnjedárbbus. Equinor dieđuid mielde galgá rusttet geahpedit 200 000 tonna CO2 ja 1000 tonna NOx jahkásaččat.

-Almmuhus-